Oulu bismágotti bismá Jukka Keskitalo dárkkista Anára searvegotti 19.-21.2.2021. Bismmá dárkkistus álgá bearjadaga 19.2. diibmu 9 Avvila girkus. Doaimmaheaddji Kaisa Aikio lea báikki alde ja beassá nu bismmá go maiddái Anára searvegotti girkohearrá Tuomo Huusko ságaide.
Bismmá dárkkistus lea čuđiid jagiid boares girkolaš vierru, mas bismá galleda jeavddalaččat iežas bismágotti searvegottiid. Anára maŋimuš bismádárkkistus lei jagis 2009.